பிரகாசமுள்ள விடிவெள்ளி நட்சத்திரம்
"நான் தாவீதின் வேரும் சந்ததியும், பிரகாசமுள்ள விடிவெள்ளி நட்சத்திரமுமாயிருக்கிறேன் என்றார்."
தேவதூதர்கள் பெரும்பாலும் வேதாகமத்தில் 'நட்சத்திரங்கள்' என்று குறிப்பிடப்படுகிறார்கள். யோவான் பார்த்த ஏழு நட்சத்திரங்கள் ஏழு தூதர்கள் என்று வெளி 1:20 இல் இயேசு கூறுகிறார்.
யோபு புத்தகத்தில் பூமி சிருஷ்டிப்பின்போது, "விடியற்காலத்து நட்சத்திரங்கள் ஏகமாய்ப்பாடி, தேவபுத்திரர் எல்லாரும் கெம்பீரித்தார்களே" (யோபு 38:7) என்று எழுதப்பட்டுள்ளது.
ஏசாயா 14:12 இல் சாத்தான் அதிகாலையின் மகனாகிய "விடிவெள்ளி" என்று அழைக்கப்படுகிறான். அதிலிருந்துதான் அவன் 'லூசிஃபர்' என்ற லத்தீன் பெயரைப் பெற்றான்.
சாத்தான் ஒரு விடிவெள்ளி நட்சத்திரமாக இருக்கலாம், ஆனால் அவன் மெய்யான பிரகாசமுள்ள விடிவெள்ளி நட்சத்திரமாகிய இயேசு கிறிஸ்துவின் ஒரு பொய்யான சாயல் மட்டுமே.
வானவியலில், "விடிவெள்ளி நட்சத்திரம்" என்ற சொல் "வெள்ளி" கிரகத்தைக் [Venus] குறிக்கப் பயன்படுத்தப்படுகிறது. இது கிழக்கில் சூரியனுக்கு முன்பாகவே தோன்கிறது, குறிப்பாக மத்திய கிழக்கில் இருண்ட நேரங்களில் இதைக் காணலாம். அந்த நட்சத்திரமாக, இயேசு நம் எதிர்காலத்திற்கான நம்பிக்கையைத் தருகிறார்.
பழைய ஏற்பாடு கிறிஸ்துவை நீதியின் சூரியன் (மல். 4:2) என்று அடையாளப்படுத்தி முடிவடைகிறது.
அவர் பிறப்பை அறிவிக்க வானத்தில் ஒரு நட்சத்திரம் சாஸ்திரிகளை வழிகாட்டியது. புதிய ஏற்பாடும் இந்த அற்புதமான தலைப்புடன் முடிவடைகிறது.
இது இயேசுவின் கடைசி "நானே" அறிக்கை, வேதாகமத்தின் கடைசி பக்கத்தில் காணப்படுகிறது. இது அவரது இரண்டாவது வருகையுடன் தொடர்புள்ள நாமம். விடியற்காலையில் எழுந்து, அவர் வரும் நாளுக்காக ஏங்குகிறவர்களுள் நாமும், பிரகாசமான விடிவெள்ளி நட்சத்திரமாகிய அவரைத் தேடுவோமா?
No comments:
Post a Comment