தேவ ஆட்டுக்குட்டியானவர்

"தேவ ஆட்டுக்குட்டியானவர்"

Lamb of God

[Greek: Amnos Tou Theou]

லத்தீன் மொழியில், "Agnus Dei" என்பது யோவான் சுவிசேஷத்தில் இயேசுவைக் குறிக்கும் ஒரு தலைப்பாகும். யோவான் 1:29 இல், யோவான் ஸ்நானகன் பெத்தாபராவில் மக்களுக்கு ஞானஸ்நானம் கொடுத்துக்கொண்டிருக்கும்போது, "...இயேசுவைத் தன்னிடத்தில் வரக்கண்டு: இதோ, உலகத்தின் பாவத்தைச் சுமந்துதீர்க்கிற தேவ ஆட்டுக்குட்டி" என்றார்.

ஆதியாகமம் 22-இல் வரும் ஈசாக்கின் கதை இயேசு கிறிஸ்துவின் நற்செய்தியை முன்னறிவிக்கிறது. ஈசாக்கு தன் தகப்பனாகிய ஆபிரகாமை நோக்கி: ... இதோ, நெருப்பும் கட்டையும் இருக்கிறது, தகனபலிக்கு ஆட்டுக்குட்டி எங்கே என்றான். அதற்கு ஆபிரகாம்: என் மகனே, தேவன் தமக்குத் தகனபலிக்கான ஆட்டுக்குட்டியைப் பார்த்துக்கொள்வார் என்றான். (ஆதியாகமம் 22:7-8).

இயேசுவை விசுவாசிப்பவர்களுக்கு "தேவ ஆட்டுக்குட்டி" என்பது மிகவும் இனிமையான பெயர்.

"இரத்தஞ்சிந்துதலில்லாமல் மன்னிப்பு உண்டாகாது" என்று எபிரெயர் 9:22 சொல்கிறது.

தேவன் நம் பாவங்களை மன்னிக்க வேண்டுமானால், ஒருவர் பலியாக இறக்க வேண்டியது அவசியம் என்பதே இதன் பொருள். நம் ஒவ்வொருவரையும் மீட்பதற்காக தனது உயிரைக் கொடுத்த தேவனின் விலைமதிப்பற்ற, களங்கமற்ற ஆட்டுக்குட்டி இயேசுவே. அவர் நமக்காக இதைச் செய்ததால், அவரை நேசிக்காமல் இருக்க முடியாது.

தேவனே பலியாகிவிட்டதால், அதுவே கடைசி பலி!

யூதர்கள் "பஸ்கா" பண்டிகையில் உயிரில்லாத ஆட்டுக்குட்டியை சாப்பிட்டுக் கொண்டாடுவார்கள். ஆனால் தேவனால் வழங்கப்பட்ட தேவ ஆட்டுக்குட்டியானவர் என்றென்றும் உயிரோடு இருக்கிறார்!

"... நம்முடைய பஸ்காவாகிய கிறிஸ்து நமக்காகப் பலியிடப்பட்டிருக்கிறாரே."

1 கொரிந்தியர் 5:7